الخميس، 23 ديسمبر، 2010

باااك

بوووو

بييه شخباري ادري :p

انا تماام انتو شلونكم ؟؟

غطينا عن البلوق او بالاصح نسينااا :P

فدام امس ذكروني فيه بعض الناس

قلت احطلكم صور رحلتنا حق



اول مره ادخل المكان صجج وناااسه :D

اول شي ودونه المسرح مادري وين واحد قعد يتكلم عن تاريخ البورصه ما فهمت شي غير انه البورصه طلعت بعد أزمت المناخ

و اهم شي اني استفدت من كلامه ( انه بعد الازمه تطلع النجاحات )

المهم شوفو هذي اول لوحه سووها سنة 1995


و هذي مادري اي سنة



و آخر لوحه صورتها بمكان النساء :P توني ادري في صاله مسوينها حق النساء



و بدينا نشتري اسهم :P


اهم الشي البلاك :P

و هذيل صور الصاله من فوق احلا مكاان ;P


و بس خلصنا من الرحله

و بعد الرحله نرجع حق الكليه و النكد

و لاب الالكترونكس الصوره تتكلم


و يالله باي باي

ادعولناا الاثنين مدتيرم و الله يوفقكم بالامتحانات :P

انشالله مره ثانيه ما نقطع

الأحد، 26 سبتمبر، 2010

Back to school :P

و ردينا حق الدراسه

اليوم اول يوم دوامات

و البدايه كانت اني اسوق اول يوم حق الجامعه طبعا امي وياي و كل شوي برييييك لا تدعمين و ايدها على قلبها

ما سوت علي سقت

ما علي تقول سبوع و اسوق بروحي نشوف شيصير

دوامي الساعه 11

قلت اروح قبل بساعه نشوف ارفيجاتنا نسلم و منها اول يوم اسوق فلازم الاحتياط :P

طبعا الزحمه مو صج كل سنه يقبلون زياده و يتخرجون اقل مادري لي متى

ماكو مكان الواحد يقعد الله يعيناا

على فكره انا بالهندسه علشان احدد نوعية الزحمه :P

باجر دوامي 8 مادري متى بطلع علشان ما تحوشني الزحمه

و يالله good luck

و انشالله بداية سنه حلوه

و شدو حيلكم

بوست ممل بس قلت اكتب علشان ما انسى اول يوم اسوق :P

و يالله نشوفكم على خير

الثلاثاء، 14 سبتمبر، 2010

جرير..

صباح /مساء الخير

شلونكم شخباركم ؟ :P

تدرون بعد قمت ارسم و ماكو وقت اكتب شي لوووول << نتغشمر
بس عاد جنه صارت اشياء مهمه هالايام

خل احاول اتذكر شنو سويت

طبعا آخر شي وقفنا عنده العيد

العيد كان اغلبه زوارات

اول يوم بيت خالتي يمعت أهل امي و يمعت ((شده عالميم )) << علشان ما يتحلطمون بعض الناس :P عيديه 30 دينار وايد علي :P بس المهم عطوني عيديه و هاذي عيديتي و عيدية اخوي مادري شنو علاقة الknet


و اليوم الثاني كان المفروض نتيمع بيت يدي اهل ابوي بس التكييف كان خربان فصارت اليمعه ببيتنا و العيديه وصلت 65 شي جميل :P

الحين خل اوريكم آخر رسماتي عاد شوفو اذا في تطور :D


اممم و الباجي انشالله احطهم مره ثانيه علشان ما تملون :P

ايي و بعد شسوينه ..

ايي المهم بعد الحين صرنا نرسم وهذا
فقلت خل اروح جرير اشتريلي الوان نفس الأوادم نكشخ روحنا
هاذي الالوان اللي كنت استخدمها

طبعا علشان اطلع لون واحد احتاج اغووص :P

فشريتلي هذيل فرق ها :P

و خذيتلي قلم حق التحديد

و لازم اوريكم النوت اللي شريتها عجبتني حق بدايت الدوامات


و الحين صار عندي خوش عده حق الرسم بس ناقصني كراسه شخباريي كراسه مادري شذكرني بالكلمه ايي للأسف ما لقيت الكراسه اللي كانت اب بالي

و نختمها بصوره

و نشوفكم على خير آسفه اذا طولت عليكم و مليتو ..
=)

الاثنين، 6 سبتمبر، 2010

اول تجربه لي في رسم المانجا

اليوم بعد الفطور قاعده فاضيه ماكو شغل

دشيت يو تيوب قلت خل اتعلم ارسم مانجا من زمان كان ودي اتعلم عاد البدايه يكون حدا حماس و شغل عدل :P

و هذا الفيديو اول شي تعلمت أرسم عين


و هذي رسمتي



و هذا الفيديو الثاني

http://www.youtube.com/user/markcrilley#p/u/36/DFLgr6gyOOc


و تطبيقي



و آخر شي رسمه بروحي :P



و بس :P

لا تنسون رايكم يهمني =)

الثلاثاء، 31 أغسطس، 2010

شوجيي ...

جنه صارلي مده مو كاتبه شي

بس اليوم شفت شي قلت لازم أقولكم

اول شي نقول صباح\مساء الخير


من الفراغه الزايده اشوف مسلسل زواة خميس :P نضيع فيه الوقت

المهم اليوم و انا اشوفه (حلقه 21 )

شفت هاللقطه و حسيتها تذكرني بشي شايفته من قبل

شوفواللقطه و ركزو على شوجي و بالذات طريقة وقفتها


ها ما ذكرتكم باللي تدكرته


شوفو هاذي الصوره يمكن تساعدكم :P




ها وصلت ولا بعد









امممم خلاص الحين شوفو هالصور للأسف اذكر كان في لقطه بالضبط نفس الوقفه و نفس القميص بس تعبت و انا احوس و ما حصلتها

شوفو








شوفو شوفو النظره لوووووول نفسه :P


ها اشرايكم انتو ؟

مالهم علاقه ؟

حدي فاضيه لوووول

ما عليه تأثير الصيام

السبت، 21 أغسطس، 2010

اي شي الام تقوله لازم يصير

تيااا :P

اليوم كانت نومتي كلش موو شي :\

الحين حسيت بليلى و الذيب شلون لما ليلى ما سمعت كلام امها صادها الذيب

بس انا وايد اهون من ليلى :P

صج الامهات لا يقولون شي اي شي يقولونه يصير @@

و اللي مريت في بنومتي يثبت هالشي

طبعا كلكم بتسئلوني شكو الام بالنومه ؟ << هذا اذا فكرتو تعرفون ليش بالاساس ما نمت :P

المهم كنت سهرانه لي ال 3 بعدها نمت ما اشوف اللا قمت الساعه 7:30

اشوف ساعت اللابتوب 7:30 شكو انا قايمه ؟

اشوف ولا الغرفه نور و الشمس بويهي

وليين شلون انام الحين عبالي البرده مفتوحه ولا البرده مصكوكه الليتات مسكره

جان اتذكر يوم شريت البرده شنو كانت تقول امي ( اخذي برده لونها غامج علشان ما تدخل شمس ) بس عمك اصمخ اللي اهي انا ماخذه برده بيضه :\ << بس علشان تلوق مع الغرفه

و امي تحاول تقنع فيني ماكو فايده

شوفو النتيجه




بس دام انه من البدايه ما سمعت الكلام مصيري اني اتحمل

و عاد مونكيا لازم تلقى حل ما يصير ما انام :P

ف خذيت باند و غطيت فيه عيني و نمت احلا نومه لي الساعه 12 :P



و بالنهايه انصحكم نصيحتين

الاولى و الاهم انه سمعو كلام امكم
و لا تشترون برده بيضه :P

و لا تنسون لكل مشكله حل

و نشوفكم على خير :D

الخميس، 19 أغسطس، 2010

طريقتي السحرية

صباح/ مساء الخير


اليوم راح أعلمكم ابتكاري في اكل الكت كات

احلا شي الككاو لما يكون ذايب يصير طعمه عجيب

فاسهل طريقه تذوبون فيها الككاو و انتو بالغرفه شنو ؟؟

انا اقولكم

اول شي اللي تحتاجونه

(ككاو + لابتوب )

و منو ما عنده لابتوب الحين صار كل بيت فيه لابتوب هذا اذا مو كل فرد بالبيت

الحين خلونا من اللابتوب و نرجع حق الككاو

المهم عندكم لابتوب و كتكات شتسوون ؟

ما يبيله شي حطو الككاو صوب المروحه مثل اللي بالصوره


عاد يعتمد على مكان المروحه << يعني قايله شي
وكلما كان اللابتوب اقدم و يطلع هوا حار اكثر تكون العميه اكثر نجاحا

و بس دقيقه ولا دقيقتين و تكون هاذي النتيجه




ملاحظه : يمكن تكون الطريقه ضاره و تسبب امراض بس عاد اللي بايع عمره يجربها و يدعيلي



و بالعافيه ..

و نشوفكم على خير =)

الأربعاء، 18 أغسطس، 2010

السباال :D

السبال منو ما يحب السبال ؟!
خصوصا المملح

احلا نوع سبال اللي عليه عرقوز :P

المهم
مو سالفتنا السبال

انا كنت ابي اقولكم ليش انا احب المونكي و ليش نكي مونكيا

نرجع لي ورى

ايام كنت صغيره << حسيت روحي عيوز

اي عاد يوم كنت صغيره كنت اموت على شي اسمه سبال كل انواع السبال مادري شنو السر بس ادري انه كنت عادي اخلص جيس السبال الكبير

عاد يدي الله يرحمه كان كلا يشتريلي سبال امضبطني لازم اييب سبال و يناديني خصوصي اقعد آكل وياه
و كل مره اييب نوع انوع بالطعم

حتى يابلي سبال كندي :P

ومنها صرت شاذية الرميثية

و خلصت قصتنا

و بس قبل لا نقول باي باي

ترى السبال مفيد يقلل نسبة الكلسترول بالدم و زين حق السكري
بس هم مو تكثرون منه علشان لا تمتنون :P

البوست ممل جنه يالله تحملونا لووول

و نشوفكم على خير مع بوستات ثانيه ;)

من انا

اهلا اهلا

اول شي احب احييكم بدخولكم مدونتي المتواضعه ;q

طبعا مثل ما تدرون او ماتدرون اني احب الشواذي و علشان جذي ينادوني مونكيا

و بما اني احب التصوير << مو معناته اعرف اصور :D

يمكن تنترس المدونه صور لووول

بس بعد شقول ..

و مره ثانيه نقول حياكم الله و منورين

و مبارك عليكم الشهر بما ان احنا اب شهر رمضان

و انشالله تعجبكم المدونه و ما تقاطعونه

نشوفكم على خير ;)